‘அவதாரம்’ இசைத் தொகுப்பு வெளியீட்டில் சந்தித்த போது நான் நினைக்கவில்லை - அடுத்து புது அவதாரமே எடுக்கப் போகிறாய் என்று. அதுவும் ‘ஹனுமான்’ நாட்டிய நாடகம் மூலம்….
‘ஹனுமான்’-னை வேறொரு களத்தில் எங்கள் முன் படைத்தவர் நண்பர் Ravi Shanker. பின்னணி இசையின் மூலம் அப்படைப்புக்கு உயிரூட்டியப் பெருமை என் மண்ணின் மைந்தன்Composer BalanRaj உம்மையும், உமது நண்பர் M.Jagathesh-சயுமே சாரும்.
இசையின் நுணுக்கத்தைப் பற்றி பேசும் நிலையில் நானில்லை. ஆனால் இசை இரசிகன் என்ற முறையில் கொஞ்சமாவது தகுதி உண்டு என்ற நம்பிக்கையில் கூறுகிறேன்….
மண்டபத்தின் வெளியே காத்திருந்த போதே ‘ஹனுமான்’ theme பாடல் என் மனதைக் கொள்ளைக் கொண்டது. எதிர்பார்ப்பை எகிறவும் செய்தது.
தொடக்கம் முதல் கடைசி வரை அந்த எதிர்ப்பார்ப்பு கூடியதே தவிர குறையவில்லை. அந்த அளவுக்கு எந்தவோர் இடத்திலும் தொய்வு ஏற்படா வண்ணம், வீரத்திற்கு வீரம், கம்பீரத்திற்கு கம்பீரம், சோகத்திற்கு சோகம், மகிழ்ச்சிக்கு மகிழ்ச்சி என இசையில் புகுந்து விளையாடியிருக்கிறீர்கள்.
நீங்கள் இருவரும் போட்ட உழைப்புக்கான அங்கீகாரத்தை மேடையிலேயே அறுவடை செய்து விட்டீர்கள்.
மற்றொரு நண்பர் Phoenix Dassan -னையும் இங்கு குறிப்பிட்டே ஆக வேண்டும். பாடல் வரிகளைக் கேட்கும் போதே எவ்வளவு முக்கியத்துவம் கொடுத்து, ஆய்வு செய்து அவரும் உழைத்திருக்கிறார் என தெரிகிறது.
அடிப்படையில் செய்தியாளரும் பொறியியலாளரும் சேர்ந்து வித்தியாசமான கூட்டணி அமைத்து களம் கண்டு, அதில் மாபெரும் வெற்றிப் பெற்றிருக்கிறீர்கள்.
உங்கள் ‘கட்டுமானம்’ செங்குத்தாக நிற்கும் - நிற்க வேண்டுமென மனதார பாராட்டி விடைப் பெறுகிறேன்.
ஆனால், கடைசியில் மண்டபத்தை விட்டு வெளியேறிய நான் CD-யை வாங்க மறந்தேனே… பிறகு எங்கேயாவது பார்த்தால் எனக்கொன்றை எடுத்து வையுங்கள்.
-மோகனதாஸ் முனியாண்டி#சிந்தித்தவேளை
