அடேய் பையா, அதென்ன மந்திரக் கையா?

அழகுக் கலை - முக ஒப்பனையில் பின்னி பெடலெடுக்கும் பையனை வேறப்படி கேட்பது?

கண்ணன் ராஜமாணிக்கத்தைப் பற்றி #வியன் சொல்லித் தான் தெரிய வேண்டும் என்பதில்லை.

பையன் ஏற்கனவே சூப்பர் டூப்பர் ஃபேமஸ். 

" உன்னை வெள்ளாவி வெச்சு தான் வெளுத்தாங்களா? இல்ல வெயிலுக்குக் காட்டாம வளர்த்தாங்களா? சும்மா தக தகனு மின்னுறியேப்பா!" என வியனே ஒரு முறை வியந்துப் பாராட்டியிருக்கிறான்.😎

அதோடு, ஹனுமான் மேடை நாடக அரங்கேற்றத்தின் போது பார்த்துப் பேசியது,  அவ்வளவு  தான்!  

இவரின் latest கை வண்ணத்தைக் கண்டு.......

யப்பப்பப்பப்பா.... Chance-சே இல்லை! வேற லெவல் வேற லெவல், செம்ம செம்ம செம்ம.... என்று சமூக வலைத் தலங்களில் கமெண்டுகள் தெறிக்கின்றன!

தெறிக்காதா பின்னே?

பாகுபலி ராஜமாதா சிவகாமி தேவியின் "அழகே பொறாமைப்படும் பேரழகி!" வசனத்திற்கு ஏற்ப நம்மூர் அழகு ராணிகளை, தனது 'மந்திரக் கையால்' கோலிவூட் கனவுக் கன்னிகளாக மாற்றி நம் முன்னே கொண்டு வந்து நிறுத்தியிருக்கிறார்.

படங்களை பார்த்தவர்களுக்குத் தெரியும், அது எந்த அளவுக்கு பிரமாண்டமாய் நிமிர்ந்து நிற்கிறது என்று!

முன்னாள் ( என்னாளும்) உலக அழகி ஐஸ்வர்யா ராய், தற்போது கோடம்பாக்கத்தை ஆளும் அழகு தேவதை  நயன் தாரா, கனவுக் கன்னி ஷ்ரேயா மூவரையும் அத்தனை தத்ரூபமாக காட்டியிருக்கிறார். 


அதிலும், ஐஸ்வர்யா ராயும் நயன் தாராவும் இருக்கிறார்களே.... 

கண்ணன் துண்டைப் போட்டு தாண்டினால் கூட யாரும் நம்ப மாட்டார்கள் போலிருக்கு, அந்த அளவுக்கு நேர்த்தி!

'ஐஸ்வர்யா ராயைப்' பார்த்ததிலேயே பாதி சொக்கிப் போனவன் வியன்!.

காஷ்மோரா நயன் தாரா (அட , நம்ம மூன் நிலா தாங்க!) விழுந்தே விட்டானயா!  💗

என்ன அழகு....

நயன் தாராவே பார்த்தால் பொறாமைப் படுவார். 

மூன் நிலா, நீங்க வேற லெவல் போங்க! 👌


கண்ணனுக்கு உதவியாக @subalakshana @siddhartkumaar @ranjani_kamarusamy @mskselvamary ஆகியோரும் இருந்து, காஷ்மோரா recreation-னைச் சாத்தியமாக்கியிருக்கின்றனர். 

நயன் தாரா லுக்கு வருவதற்கு முக்கியத் தூணாக விளங்கிய ஆடை @annustailoring வழங்கியது.

உள்ளூரில் மட்டுமல்ல, ஊரிலும் கண்ணன் பற்றி தான் பேச்சு! ஜெயா தொலைக்காட்சியில் கூட செய்தியாக போட்டு விட்டார்கள். 

Jaya Plus செய்திகளில் கண்ணன்

மலேசிய மண்ணின் பெருமையை  மணம் கமழச் செய்திருக்கிறார்  கண்ணன். 

தம்பி, நீ இங்கு  இருக்க வேண்டிய ஆளே இல்லப்பா! 

உன் திறமைக்கும், பணிவுக்கும் நிச்சயம் சீக்கிரமே உனைத் தேடி சிம்மாசனம் வரும். 

அதை ஒட்டு மொத்த நாடே கண்டு ரசிக்கும் நாள் வெகு தூரமில்லை.


முடிக்கும் முன், வியன் கேட்பதெல்லாம் மீண்டும் அதே கேள்வி தான்... 

அடேய் பையா, அதென்ன மந்திரக் கையா? 😊

( அப்படியே அடுத்து என் நீலாம்பரி@சிவகாமியையும் கொஞ்சம்..... ) 💕💕💕